ពលរដ្ឋ៖ យុទ្ធនាការផ្សព្វផ្សាយតាមទូរស័ព្ទរបស់រដ្ឋាភិបាល១ឆ្នាំគឺយូរពេកហើយ
ចុះផ្សាយនៅថ្ងៃ៖
ស្តាប់ - ០៩:៥០
អស់រយៈពេល២សប្តាហ៍មកហើយដែលប្រមុខរដ្ឋាភិបាល បានស្នើឱ្យមានយុទ្ធនាការទ្រង់ទ្រាយធំមួយគឺផ្សព្វផ្សាយថា «គ្រឹះស្ថានមីក្រូហិរញ្ញវត្ថុទាំងអស់ជារបស់ឯកជន មិនមែនជារបស់រដ្ឋនោះទេ»។ យុទ្ធនាការវាយលុកតាមប្រព័ន្ធទូរស័ព្ទ និងបណ្តាញប្រព័ន្ធឃោសនាមហាជនដើម្បីក្រើនរំលឹកដល់ពលរដ្ឋកុំឱ្យយល់ច្រឡំថាបំណុលដែលពលរដ្ឋបានខ្ចីពីធានាគារនោះជារបស់រដ្ឋ។ តាមគម្រោងយុទ្ធនាការនេះនឹងមានរយៈពេល១ឆ្នាំ។ ប៉ុន្តែយុទ្ធនាការនេះ បានញ៉ាំងឱ្យមានការមិនពេញចិត្តជាច្រើនបានផ្ទុះឡើងដោយសារតែវាមានភាពសាំញ៉ាំ រំខាន។ ចំពោះអ្នកទីក្រុង និងតំបន់ប្រជុំជនគឺយល់យ៉ាងច្បាស់ពីថាគ្រឹះស្ថានមីក្រូហិរញ្ញវត្ថុទាំងអស់គឺជារបស់ឯកជន។ ប៉ុន្តែយុទ្ធនាការនេះ ក៏នឹងជួយដល់ពលរដ្ឋនៅចុងកាត់មាត់ញក តំបន់ដាច់ស្រយាលឱ្យយល់ដឹងព្រោះថាពួកគាត់ភាគច្រើនបានយល់ច្រឡំមែន។ ចំពោះបញ្ហានេះ ពលរដ្ឋមួយចំនួនបានស្នើឱ្យគ្រឹះស្ថានហិរញ្ញវត្ថុទាំងអស់ ផ្សព្វផ្សាយនៅនឹងកន្លែង ជាជាងផ្សព្វផ្សាយតាមទូរស័ព្ទ។ ហើយថា យុទ្ធនាការក្នុងរយៈពេលមួយឆ្នាំគឺយូរពេកហើយ។