កម្ពុជា-បោះឆ្នោត
ជនពិការជាង២ម៉ឺន៣ពាន់នាក់ មានអាទិភាពបោះឆ្នោតមុនគេ
ថ្ងៃស្អែកនេះ គឺជាថ្ងៃបោះឆ្នោតក្រុមប្រឹក្សាឃុំសង្កាត់។ ជនពិការមានចំនួនជាង២ម៉ឺន៣ពាន់នាក់ ដែលបានទៅចុះឈ្មោះក្នុងបញ្ជីបោះឆ្នោត។ អ្នកទាំងនោះ មាន ជនពិការដៃ ចំនួនជិត៨ពាន់នាក់ ហើយអ្នកផ្សេងទៀត គឺពិការជើង និងពិការភ្នែកជាដើម។ ចំពោះអ្នកពិការភ្នែក គណកម្មាធិការជាតិរៀបចំការបោះឆ្នោត បានគិតគូរធ្វើសន្លឹកឆ្នោតពិសេស ដោយមានអក្សរប្រាយ៍ ឬអក្សរស្ទាបសម្រាប់អ្នកពិការភ្នែក។ ចំណែកជនពិការជិះរទេះរុញវិញ គ.ជ.ប. បញ្ជាក់ថា មានការរៀបចំធ្វើជម្រាលសម្រាប់ឲ្យពួកគេងាយស្រួលចូលទៅបោះឆ្នោត។ លើសពីនេះ ជនពិការក៏បានចូលរួមធ្វើជាអ្នកសង្កេតការណ៍ផងដែរ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៦