លោក ហ៊ុន សែន៖ «ទោះមានឬគ្មាន EBA វាមិនធ្វើឲ្យយើងស្លាប់ តែវាក៏មិនធ្វើឲ្យយើងក្លាយជាអ្នកមានបានដែរ»
លោកនាយករដ្ឋមន្ត្រី ហ៊ុន សែន នៅក្នុងឱកាសនៃការបិទសន្និបាតក្រសួងមហាផ្ទៃ នារសៀលថ្ងៃទី១៤កុម្ភៈនេះ បានប្រតិកម្មទៅលើការចាប់ផ្តើមអនុវត្តនីតិវិធីព្យួរភាពអនុគ្រោះពន្ធពីកម្ពុជា (EBA) ដោយសហភាពអឺរ៉ុប ថាកម្ពុជានឹងមិនស្លាប់ទេ ប្រសិនបើគ្មាន EBA។ លោក ហ៊ុន សែន រំលឹកឡើងវិញថា កម្ពុជាមិនអាចយកអធិបតេយ្យភាពជាតិរបស់ខ្លួន ទៅដោះដូរជាមួយជំនួយអ្នកណាឡើយ។ ប្រមុខរដ្ឋាភិបាលកម្ពុជា ក៏បានលើកឡើងដែរថា កម្ពុជានៅតែរក្សាកិច្ចសហប្រតិបត្តិការជាដៃគូរស្មើភាពគ្នាជាមួយបណ្តាប្រទេសទាំងអស់ តាមគោលការណ៍កំណែទម្រង់ខាងក្នុង និងពង្រីកមិត្តភាពខាងក្រៅ។ ដោយមានការចំអកទៅកាន់បក្សប្រឆាំង លោក ហ៊ុន សែន ក៏បានស្វាគមន៍ដល់ក្រុមហ៊ុនអឺរ៉ុបរាប់រយ ដែលមានវត្តមាននៅកម្ពុជា បន្តធ្វើធុរកិច្ចដោយរីករាយ ខណៈដែលមានការអះអាងថា មានការកាត់បន្ថយថ្លៃដើមនៃការធ្វើធុរកិច្ច និងធ្វើឲ្យប្រសើរឡើងនូវបរិយាកាសធុរកិច្ច។
ចុះផ្សាយនៅថ្ងៃ៖
សូមស្ដាប់ប្រសាសន៍ លោក ហ៊ុន សែន ជុំវិញការលើកឡើងនេះ
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ