លោក ហ៊ុន សែន អះអាងថា កម្ពុជាមិនបានជាប់អន្ទាក់បំណុល ក្នុងគម្រោងផ្លូវមួយ ខ្សែក្រវាត់មួយ របស់ចិនទេ!
លោកនាយករដ្ឋមន្ត្រីហ៊ុន សែន នៅក្នុងវេទិកាលើកទី២ ផ្លូវមួយខ្សែក្រវាត់មួយ នាថ្ងៃសុក្រនេះ នៅទីក្រុងប៉េកាំង បានអះអាងថាគម្រោងផ្លូវមួយ ខ្សែក្រវាត់មួយ របស់ចិន មានតែផ្តល់ការអភិវឌ្ឍន៍ មិនមែនជាអន្ទាក់បំណុល ដូចការលើកឡើងរបស់ប្រទេសមួយចំនួននោះទេ។ លោកហ៊ុន សែន បានលើកពីប្រយោជន៍ជាក់ស្តែង នៃការវិនិយោគជំហានទី ១របស់ចិន ក្នុងខេត្តព្រះសីហនុ ដែលបច្ចុប្បន្នមានក្រុមហ៊ុនចិន ចំនួន១៤៨ កំពុងធ្វើសហប្រតិបត្តិការ ដោយបានផ្តល់ការងារដល់ពលរដ្ឋកម្ពុជាជាង ២ម៉ឺននាក់។ តាមលោកហ៊ុន សែន ការអភិវឌ្ឍសេដ្ឋកិច្ចក្រុងព្រះសីហនុជំហាន២ នឹងបន្តបង្កើតការងារដល់ពលរដ្ឋខ្មែរប្រមាណ ៨ម៉ឺននាក់ទៀត។ លើសពីនេះ លោកនាយករដ្ឋមន្ត្រីខ្មែរ បាននិយាយផងដែរ ពីសមិទ្ធផលសំខាន់របស់កម្ពុជា ក្នុងគម្រោងផ្លូវមួយ ខ្សែក្រវាត់មួយ ដូចជាការកសាងផ្លូវល្បឿនលឿនភ្នំពេញ ទៅ ព្រះសីហនុ ជាដើម។
ចុះផ្សាយនៅថ្ងៃ៖
សូមស្តាប់ប្រសាសន៍របស់លោកនាយករដ្ឋមន្ត្រីហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ