កញ្ញា អាំង សិរីរតន៍៖ ទំនប់វារីអគ្គិសនីលើដងទន្លេមេគង្គ ប៉ះពាល់ដល់ធនធានធម្មជាតិនិងសន្តិសុខស្បៀង
ចុះផ្សាយនៅថ្ងៃ៖
ស្តាប់ - ១៣:៣៧
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFI នាថ្ងៃនេះ គឺកញ្ញា អាំង សិរីរតន៍ អ្នកសម្របសម្រួលគម្រោងអេកូយុវទូត។ នៅថ្ងៃទី១៥មិថុនាខាងមុខនេះ ក្រុមអេកូយុវទូត នឹងរៀបចំកម្មវិធីដំណើរផ្សងព្រេងរបស់មេគង្គយុវទូត ស្ដីពីអច្ឆរិយភាពនៃទន្លេមេគង្គ។ សម្រាប់កញ្ញា អាំង សិរីរតន៍ ទន្លេមេគង្គ គឺជាអ្នកមានគុណ ដែលបានផ្ដល់ស្បៀងអាហារដល់មនុស្ស និងផ្ដល់ជម្រកសម្រាប់សត្វរាប់ពាន់ប្រភេទ។ ទន្ទឹមគ្នានេះ កញ្ញា អាំង សិរីរតន៍ ក៏បានសម្ដែងក្ដីព្រួយបារម្ភចំពោះការសាងសង់ទំនប់វារីអគ្គិសនីលើដងទន្លេមេគង្គដែលបង្កផលប៉ះពាល់ដល់ធនធានធម្មជាតិនិងសន្តិសុខស្បៀងរបស់មនុស្សរាប់រយលាននាក់។