លោក នេត្រ ភក្រ្តា៖« គុណភាព និងនិរន្តរភាពបរិស្ថានត្រូវបានធានា នៅក្នុងចក្ខុវិស័យបរិស្ថានឆ្នាំ២០១៨-២០២៣»
ចុះផ្សាយនៅថ្ងៃ៖
ស្តាប់ - ១២:៥០
បន្ទាប់ពីរដ្ឋាភិបាលអាណត្តិទី៦ ត្រូវបានបង្កើតឡើងកាលពីសប្តាហ៍មុន ក្រសួងបរិស្ថាន នៅដើមសប្តាហ៍នេះ បានចាប់ផ្តើមមុនគេ ក្នុងការរៀបចំដំណើរការការងាររបស់ខ្លួន ដើម្បីផ្សព្វផ្សាយពីផែនទីការងារគ្រប់គ្រងបរិស្ថាន និងធនធានធម្មជាតិ សម្រាប់អាណត្តិរដ្ឋាភិបាលនីតិកាលទី៦នេះ។ លោក នេត្រ ភក្រ្តា រដ្ឋលេខាធិការក្រសួងបរិស្ថាន ដែលទើបទទួលបានការតែងតាំងថ្មី បានមានប្រសាសន៍ថា នៅអាណត្តិរដ្ឋាភិបាលថ្មីនេះ ក្រសួងបរិស្ថានបានផ្តោតទៅលើចក្ខុវិស័យបរិស្ថាន ពោលគឺលើគុណភាព និរន្តរភាពបរិស្ថាន កេរដំណែលធនធានធម្មជាតិបរិស្ថាន ត្រូវបានការពារ និងអភិរក្ស សម្រាប់ប្រជាជនកម្ពុជាទាំងអស់។
