លោក នេត្រ ភក្ត្រា៖«ការបែងចែកតំបន់គ្រប់គ្រងដែនជម្រកសត្វព្រៃស្រែពក គឺដើម្បីសម្រួលដល់ការគ្រប់គ្រងតំបន់ដែលត្រូវបានការពារ»
ចុះផ្សាយនៅថ្ងៃ៖
ស្តាប់ - ១៦:៥១
កាលពីថ្ងៃទី០១ខែកុម្ភៈឆ្នាំ២០១៩ រដ្ឋាភិបាលបានចេញអនុក្រឹត្យមួយស្តីពីការកំណត់ និងបែងចែកតំបន់គ្រប់គ្រងដែនជម្រកសត្វព្រៃស្រែពកនៅក្នុងខេត្តមណ្ឌលគីរី ដែលមានផ្ទៃដីទំហំជាង៣សែនហិចតា ជា៤តំបន់ រួមមាន តំបន់ស្នូល តំបន់អភិរក្ស តំបន់ប្រើប្រាស់ដោយចីរភាព និងតំបន់សហគមន៍។ អ្នកនាំពាក្យក្រសួងបរិស្ថាន លោកនេត្រ ភក្ត្រា ថ្លែងថាការបែងចែកតំបន់គ្រប់គ្រងដែនជម្រកសត្វព្រៃស្រែពកជាតំបន់តូចៗ គឺដើម្បីធានាប្រសិទ្ធភាព ដល់ការគ្រប់គ្រងដែនជម្រកសត្វព្រៃស្រែពក និងលើកកម្ពស់ការចូលរួមរបស់សហគមន៍មូលដ្ឋាន ក្នុងការការពារជីវៈចំរុះ និងធនធានធម្មជាតិនៅក្នុងតំបន់។