លោក វ៉ាត់ ចំរើន៖ កីឡាជាតិលើកទី១ រកឃើញចំណុចខ្សោយ៣នៅក្នុងវិស័យកីឡាខ្មែរ
ចុះផ្សាយនៅថ្ងៃ៖
ស្តាប់ - ១៩:១០
ព្រឹត្តិការណ៍កីឡាជាតិលើកទី១ ដែលចាប់ផ្ដើមតាំងពីថ្ងៃទី២៥តុលា បានបិទបញ្ចប់ជាស្ថាពរហើយនៅថ្ងៃសៅរ៍ទី៥វិច្ឆិកានេះ។ នៅក្នុងបទសម្ភាសជាមួយវិទ្យុបារាំង លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានគូសបញ្ជាក់អំពីលទ្ធផលនៃព្រឹត្តិការណ៍កីឡាជាតិ ដែលអត្តពលិកមកពីរាជធានីភ្នំពេញ ក្រសួងមហាផ្ទៃ និងក្រសួងការពារជាតិ ដណ្ដើមបានមេដាយច្រើនជាងគេ។ តាមរយៈព្រឹត្តិការណ៍កីឡាជាតិលើកទី១នេះ លោក វ៉ាត់ ចំរើន អះអាងថា គណៈកម្មាធិការជាតិអូឡាំពិកកម្ពុជារកឃើញចំណុចខ្សោយចំនួន៣នៅក្នុងវិស័យកីឡាខ្មែរ។ គឺទី១៖ គម្លាតបច្ចេកទេសរវាងអត្តពលិកនៅរាជធានីភ្នំពេញនិងតាមបណ្ដាខេត្ត, ទី២៖ កង្វះស្មារីធ្វើការជាក្រុមដែលត្រូវពង្រឹង, និងទី៣៖ កង្វះខាតបទពិសោធក្នុងការរៀបចំព្រឹត្តិការណ៍កីឡាជាតិ ដែលត្រូវកែលម្អឲ្យប្រសើរជាងនេះទៀត។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ