លោក ជា មុនី៖ «ខ្ញុំលាឈប់ពីប្រធានសហជីព ដើម្បីទៅចូលរួមគណបក្សសង្គ្រោះជាតិ»
ចុះផ្សាយនៅថ្ងៃ៖
ស្តាប់ - ០៩:៥១
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺ លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា។ លោក ជា មុនី ដែលត្រូវជាប្អូនប្រុសបង្កើតរបស់សពលោក ជា វិជ្ជា បានប្រកាសនៅថ្ងៃទី១៩ខែកក្កដានេះថា លោកនឹងមិនឈរឈ្មោះជាបេក្ខភាពប្រធានសហជីពសេរីកម្មករនៃព្រះរាជាណាចក្រកម្ពុជានៅអាណត្តិក្រោយទៀតនោះទេ។ ការប្រកាសលាឈប់ពីប្រធានសហជីព ក៍ដោយសារលក្ខន្តិកៈរបស់សហជីព។ ប៉ុន្តែមូលហេតុសំខាន់ទៀតនោះ គឺលោកនឹងទៅចូលរួមសកម្មភាពជាមួយនឹងគណបក្សសង្គ្រោះជាតិវិញ។ បើតាមលោក ជា មុនី បើលោកចូលរួមជាមួយនឹងគណបក្សនយោបាយ នោះមានន័យថា លោកនឹងអាចជួយ មិនត្រឹមតែកម្មករនោះទេ តែក៏អាចជួយដល់ប្រជាពលរដ្ឋបានច្រើនថែមទៀត។
