លោក ឈឹម សុធី៖ ខ្លោងទ្វារអង្គរសង្ក្រាន្តឆ្នាំថ្មីនេះ គឺកសាងតាមរចនាប័ទ្មខ្មែរសម័យអង្គរ!
ចុះផ្សាយនៅថ្ងៃ៖
ស្តាប់ - ១១:០០
ពិធីបុណ្យចូលឆ្នាំថ្មី កាន់តែកៀកខិតចូលមកដល់ហើយ! ព្រឹត្តិការណ៍អង្គរសង្ក្រាន្ត នៅក្នុងទឹកដីខេត្តសៀមរាម ក៏បានត្រៀមខ្លួនស្ទើរតែរួចហើយដែរ។ ជាការកត់សម្គាល់ ខ្លោងទ្វារព្រឹត្តិការណ៍អង្គរសង្ក្រាន្ត ពីរឆ្នាំជាប់ៗគ្នាមកនេះ គឺគ្មានប្រតិកម្មអវិជ្ជមានខ្លាំង ដូចឆ្នាំ២០១៥នោះទេ។ គឺកាលពីចូលឆ្នាំខ្មែរឆ្នាំ២០១៥ មានការរិះគន់យ៉ាងចាស់ដៃចំពោះខ្លោងទ្វារព្រឹត្តិការណ៍អង្គរសង្ក្រាន្ត គឺមានព័ណ៌និងទម្រង់ដូចរបស់វៀតណាមឬចិន និងរហូតដល់មានការលួចវាយបំផ្លាញ ឬដុតខ្លោងទ្វារនោះផង។ចំពោះខ្លោងទ្វារព្រឹត្តិការណ៍អង្គរសង្ក្រាន្ត ឆ្នាំ២០១៧នេះវិញ គឺត្រូវបានលោក ឈឹម សុធីប្រធាននាយកដ្ឋានសិល្បៈសូនរូបនិងសិល្បៈសិប្បកម្ម របស់ក្រសួងវប្បធម៌និងវិចិត្រសិល្បៈ អះអាងថា មានពណ៌សម្បុរបែបខ្មែរ គឺកសាងតាមរចនាប័ទ្មខ្មែរសម័យអង្គរ ដែលមានលាក់បង្កប់អត្ថន័យបែបដួងព្រលឹងខ្មែរ និងសម្គាល់ពីឆ្នាំរកា ដោយយកសត្វបក្សីជាតំណាង។
