បណ្ឌិត ឈាង វណ្ណារិទ្ធ៖ បើលោក សម រង្ស៊ី ត្រឡប់ទៅគ្រប់គ្រងCNRPវិញ គឺធ្វើឲ្យបាត់បង់ប្រជាប្រិយភាព!
ចុះផ្សាយនៅថ្ងៃ៖
ស្តាប់ - ០៩:៣៥
ជុំវិញការលាលែងពីប្រធានបក្សពីសំណាក់លោក សម រង្ស៊ី, យើងបានស្តាប់យោបល់ពលរដ្ឋ អ្នកនយោបាយ និងអ្នកវិភាគក្នុងស្រុកជាច្រើនមកហើយ។ នៅរាត្រីនេះ វិទ្យុបារាំង បានអញ្ជើញ បណ្ឌិត ឈាង វណ្ណារិទ្ធ ដែលជាអ្នកជំនាញកិច្ចការតំបន់អាស៊ី និងដែលកំពុងស្នាក់នៅក្រៅស្រុក គឺប្រទេសសិង្ហបុរី ឲ្យមកវិភាគវិញម្តង។ ប្រធានក្រុមប្រឹក្សាភិបាលនៃវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ លោកបណ្ឌិត ឈាង វណ្ណារិទ្ធ បានមានប្រសាសន៍ថា ប្រសិនបើលោក សម រង្ស៊ី ត្រឡប់ចូលឆាកនយោបាយវិញ ឬត្រឡប់ទៅគ្រប់គ្រងបក្សសង្គ្រោះជាតិវិញនោះ គឺធ្វើឲ្យរូបលោកនិងគណបក្សសង្គ្រោះជាតិ បាត់បង់ប្រជាប្រិយភាព ព្រោះថាការបត់បែននេះ វាលឿនខ្លាំងពេក។ប្រការនេះ គឺអាចធ្វើឲ្យពលរដ្ឋមើលឃើញពីភាពគ្មានគោលជំហរច្បាស់លាស់របស់លោក សម រង្ស៊ី ហើយអ្នកខ្លះ អាចនឹងអស់ជំនឿចំពោះរូបលោកថែមទៀត។ បើតាមបណ្ឌិត ឈាង វណ្ណារិទ្ធ, លោក សម រង្ស៊ី គួរតែដើរតួជា«សកម្មជនសង្គម» ដើម្បីជំរុញចលនានយោបាយវិញប្រសើរជាង។ តទៅនេះ សូមស្តាប់បទសម្ភាសរបស់ ហេង ឧត្តម ជាមួយនឹងបណ្ឌិត ឈាង វណ្ណារិទ្ធ ៖