លោកសុខ ទូច៖ សុំពេល២ឆ្នាំនៅរាជបណ្ឌិត្យសភាកម្ពុជា ធ្វើការងារអាទិភាពដែលបានកំណត់
ចុះផ្សាយនៅថ្ងៃ៖
ស្តាប់ - ១២:៥១
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅថ្ងៃទី១១ ខែសីហានេះ គឺលោកបណ្ឌិតសុខ ទូច ជាសាកលវិទ្យាធិការនៃសាកលវិទ្យាល័យខេមរៈ ដែលត្រូវបានតែងតាំងជា ប្រធានរាជបណ្ឌិត្យសភាកម្ពុជា ជំនួសលោកស្រីបណ្ឌិតសភាចារ្យខ្លូត ធីតា។ ប្រធានថ្មីនៃរាជបណ្ឌិត្យសភាកម្ពុជា នឹងលើកយកការងារ៣សំខាន់ៗ មកសិក្សាស្រាវជ្រាវក្នុងការកែទម្រង់ គឺបញ្ហាកសិកម្ម បញ្ហាមីក្រូហិរញ្ញវត្ថុ និងបញ្ហាព្រំដែន។ លោកបន្ថែមថាលោកសុំតែរយៈពេល២ឆ្នាំប៉ុណ្ណោះ ដើម្បីធ្វើការងារមួយចំនួន ដែលលោកបានដាក់ជាអាទិភាពនៅក្នុងរាជបណ្ឌិត្យសភាកម្ពុជា។ លោកបញ្ជាក់ថាបើធ្វើមិនបានក្នុងរយៈពេល២ឆ្នាំ នោះលោកនឹងដាក់ពាក្យឈប់។