បទយកការណ៍
មនុស្ស៦នាក់ក្នុងគ្រួសារជនជាតិព្នងមួយរៀនដល់ឧត្តមសិក្សា ខ្លះរៀនពេទ្យ អក្សរសាស្រ្តខ្មែរ និងគណនេយ្យ
ចុះផ្សាយនៅថ្ងៃ៖
ស្តាប់ - ០៧:៥៦
បន្ទាប់ពីរៀនចប់មហាវិទ្យានៅភ្នំពេញភ្លាម កញ្ញា ចែវ ស្រីប៉ាង ដែលមានស្រុកកំណើតនៅក្នុងស្រុកកោះញែក ខេត្តមណ្ឌលគិរី បានវិលមកបម្រើការងារក្នុងសហគមន៍គាត់វិញ។ ក្នុងវ័យ២៧ឆ្នាំជនជាតិព្នងម្នាក់នេះ ជាបុគ្គលិកអង្គការមួយ ដែលគាត់មានភារកិច្ច ដើរប្រមូលក្មេងៗ ក្នុងភូមិឲ្យទៅរៀន។ បើទោះបីមានលំនៅដ្ឋានក្នុងព្រៃ ក្នុងសហគមន៍ដែលមិនសូវឲ្យតម្លៃលើការសិក្សា តែបងប្អូនកញ្ញា ចែវ ស្រីប៉ាង មានគ្នា៧នាក់ មាន៦នាក់ បានរៀនដល់ថ្នាក់ឧត្តមសិក្សា។ ក្រមុំជនជាតិម្នាក់នេះ បានសន្ទនា ជាមួយ អ៊ឹម ណាវិន ជុំវិញការតស៊ូនិងមសិការរបស់គាត់ដែលបាននាំយកចំណេះ ពីភ្នំពេញ ទៅជួយសហគមន៍ខ្លួន។
