ព្រឹត្តិការណ៍កម្ពុជាប្រចាំថ្ងៃ
ការបោះឆ្នោតកម្ពុជា៖តើប្រតិកម្មពីជប៉ុនមានឥទ្ធិពលខុសគ្នាយ៉ាងណាពីប្រទេសលោកខាងលិចដទៃទៀត ?
ចុះផ្សាយនៅថ្ងៃ៖
ស្តាប់ - ១១:២៦
បន្ទាប់ពីប្រទេសលោកសេរីមួយចំនួនបានចេញមុខសម្តែងនូវការមិនពេញចិត្តចំពោះការបោះឆ្នោតនៅកម្ពុជាជាបន្តបន្ទាប់នោះ នៅពេលនេះដល់វេនប្រទេសជប៉ុនវិញម្តង។ ប្រទេសជប៉ុនតាមរយៈរដ្ឋមន្រ្តីការបរទេស ក៏បានសម្តែងការខកចិត្តចំពោះការបោះឆ្នោតនៅក្នុងប្រទេសកម្ពុជាផងដែរ។ ប្រតិកម្មពីជប៉ុននេះ អតីតបក្សប្រឆាំងចាត់ទុកថា ជាការក្រើនរំឮកចុងក្រោយដល់កម្ពុជាមុនអន្តរជាតិខាងលោកសេរីអាចនឹងដាក់ទណ្ឌកម្ម។ ប៉ុន្តែគណបក្សកាន់អំណាចដែលអាចនឹងក្ដោបក្តាប់អាសនៈទាំងអស់ក្នុងរដ្ឋសភា បានអះអាងថា ប្រតិកម្មពីអន្តរជាតិខាងលោកសេរីមិនអាចខាឃាំងដំណើរទៅបង្កើតរដ្ឋាភិបាលថ្មីរបស់បក្សឈ្នះឆ្នោតបានឡើយ។
