សង្គ្រាមប៉ាកាលើដំណើរការក្តី លោកកឹម សុខា ផ្ទុះសាជាថ្មី
ចុះផ្សាយនៅថ្ងៃ៖
ស្តាប់ - ១០:០២
សមាជិកសភាគណបក្សសង្គ្រោះជាតិបានចេញសេចក្តីថ្លែងការណ៍របស់ខ្លួនប្រឆាំងដាច់ខាតចំពោះការបញ្ជូនសំណុំរឿងលោកកឹម សុខា ទៅកាន់ជំនុំជម្រះក្នុងបទចោទបដិសេធមិនចូលខ្លួនឆ្លើយបំភ្លឺនៅតុលាការ។ ខណៈដែលតុលាការនៅតែបន្តនីតិវិធី សង្គ្រាមប៉ាកាក៏បានផ្ទុះកាន់តែខ្លាំង។ គណបក្សសង្គ្រោះជាតិ ដែលជាអ្នករងគ្រោះអះអាងថាជារឿងនយោបាយ ដែលមានបក្សកាន់អំណាចនៅពីក្រោយ ដើម្បីសង្កត់បក្សប្រឆាំងខណៈ ដែលការបោះឆ្នោតខិតជិតចូលមកដល់ ដោយឡែកបក្សកាន់អំណាចវិញអះអាងថា គណបក្សប្រឆាំងនិយាយគ្មានមូលដ្ឋាន ហើយថាតុលាការដែលជាស្ថាប័នឯករាជ្យ គឺកំពុងអនុវត្តច្បាប់តែប៉ុណ្ណោះ។ យ៉ាងណាក៏ដោយ អ្នកច្បាប់ លើកឡើងមូលដ្ឋានច្បាប់ក្នុងចំណាត់ការនេះ មិនរឹងមាំទេ ដោយឡែកអ្នកវិភាគថាជានយោបាយសុទ្ធសាធ ដែលបង្ហាញពីវប្បធម៌ផ្ចាញ់ផ្ចាល់គ្នារបស់អ្នកដឹកនាំនយោបាយខ្មែរ។