ទោះអវត្តមានព្រះមហាក្សត្រ៖ វិសោធនកម្មច្បាប់ស្តីពីគណបក្សនយោបាយ នៅតែចេញរួច
ចុះផ្សាយនៅថ្ងៃ៖
ព្រះករុណាព្រះមហាក្សត្រ សម្តេចព្រះបរមនាថ នរោត្តម សីហមុនី និងព្រះមាតា បានស្តេចយាងចាកចេញពីប្រទេសកម្ពុជា ឆ្ពោះទៅកាន់ទីក្រុងប៉េកាំងប្រទេសចិន កាលពីថ្ងៃទី ២៣ កក្កដា ដើម្បីពិនិត្យព្រះរាជសុខភាពរបស់ព្រះអង្គ។ ក្នុងពេលព្រះអវត្តមានព្រះអង្គពីប្រទេសកម្ពុជានេះ តាមច្បាប់ ប្រមុខរដ្ឋស្តីទីនឹងត្រូវទទួលខុសត្រូវលើព្រះរាជកិច្ចរបស់ព្រះអង្គ។ យ៉ាងណាក៏ដោយ អ្នកវិភាគ និងអ្នកនយោបាយបក្សប្រឆាំងបានបង្ហាញការងឿងឆ្ងល់ថា ការចាកចេញរបស់ព្រះមហាក្សត្រ គឺជួនចំពេលដែលរដ្ឋសភា និងព្រឹទ្ធសភា ទើបតែអនុម័តវិសោធនកម្មច្បាប់ ស្តីពី គណបក្សនយោបាយ។ មានការចោទជាសំណួរថា តើព្រះអវត្តមានរបស់ព្រះអង្គ នឹងធ្វើឲ្យវិសោធនកម្មច្បាប់នេះជាប់គាំងឬទេ?