ព្រឹត្តិការណ៍កម្ពុជាប្រចាំថ្ងៃ
លីកាដូ៖ «អំពើពុករលួយ» នៅតែជាឧបសគ្គរារាំងការអនុវត្តច្បាប់លើបទល្មើសរំលោភបានត្រឹមត្រូវនៅកម្ពុជា
ចុះផ្សាយនៅថ្ងៃ៖
ស្តាប់ - ១២:២៤
អង្គការការពារសិទ្ធិមនុស្សលីកាដូ នៅថ្ងៃអាទិត្យម្សិលមិញ បានចេញរបាយការណ៍ថ្មីមួយដែលស្តីពី ការអនុវត្តច្បាប់នៅមានភាពទន់ខ្សោយទៅលើបទល្មើសរំលោភ។ ក្រោមចំណងជើងថា «ការរួចខ្លួនពីបទល្មើស៖ ការអនុវត្តច្បាប់ចំពោះបទល្មើសរំលោភសេពសន្ថវៈក្នុងប្រព័ន្ធតុលាការកម្ពុជា» របាយការណ៍ដែលមានកម្រាស់ចំនួន៣១ទំព័រនេះ បានបង្ហាញនូវការអនុវត្តច្បាប់មិនត្រឹមត្រូវនៅក្នុងការស៊ើបអង្កេត និងផ្តន្ទាទោសទៅលើជនល្មើស។ ចន្លោះប្រហោងទាំងនេះ ត្រូវបានអង្គការលីកាដូ បរិហារថា គឺកើតឡើងដោយសារមានអំពើពុករលួយ។ ជាមួយបញ្ហានេះ លីកាដូប្រមើលមើលឃើញថា ករណីបទល្មើសរំលោភនៅកម្ពុជា នឹងមិនថមថយនោះឡើយ។
