CNRP៖ គម្រោងសាងសង់ ទីក្រុងមិត្តភាព កម្ពុជា-ចិន ត្រូវតែសិក្សាលម្អិតថែមទៀត
ចុះផ្សាយនៅថ្ងៃ៖
ស្តាប់ - ១១:៣១
គម្រោងសាងសង់ «ទីក្រុងមិត្តភាពកម្ពុជា-ចិន» ក្រោមទឹកប្រាក់វិនិយោគ មួយពាន់ប្រាំរយលាន (១៥០០) លានដុល្លារសហរដ្ឋអាមេរិក ត្រូវបានភាគីកម្ពុជានិងចិន ចុះហត្ថលេខាលើ កិច្ចព្រមព្រៀងយោគយល់គ្នារួចហើយ កាលពីថ្ងៃទី០១ ខែធ្នូ ឆ្នាំ២០១៦។ បើតាមការបង្ហើបព័ត៌មាន ពីក្រុមហ៊ុនភាគីកម្ពុជា LYP Group គម្រោងថ្មីជាប្រវត្តិសាស្រ្តនេះ នឹងផ្តើមសាងសង់នៅដើមឆ្នាំ ២០១៧ លើផ្ទៃដី ៥៥០ហិកតា ក្នុងបរិវេណទីក្រុងរណប សង្កាត់ព្រែកតាសេក ខណ្ឌជ្រោយចង្វា។ ក្រុមហ៊ុនចិន China Minsheng Investment នឹងប្រើទុនរួមគ្នារបស់ ក្រុមហ៊ុនចិនជាច្រើន មកអភិវឌ្ឍន៍អចលនទ្រព្យលើដីកម្ពុជា។ យ៉ាងណាក៏ដោយ សម្រាប់គណបក្សសង្រ្គោះជាតិ បានសម្តែងក្តីបារម្ភថា គម្រោងធំខ្នាតយក្សបែបនេះ រដ្ឋាភិបាលគួរតែសិក្សាឲ្យលម្អិត ដើម្បីកុំឲ្យបរាជ័យដូចគម្រោងមុនៗ ជាពិសេសគួរសិក្សាពីផលប៉ះពាល់មកលើប្រទេសជាតិ និងពលរដ្ឋរបស់ខ្លួន។
