វិស័យហិរញ្ញវត្ថុ៖ បំណុលរបស់ពលរដ្ឋមិនទាន់ជាវិបត្តិ ប៉ុន្តែមានសភាពធ្ងន់ធ្ងរ
ចុះផ្សាយនៅថ្ងៃ៖
ស្តាប់ - ០៩:១១
អ្នកវិភាគសេដ្ឋកិច្ចនៅកម្ពុជាបានអះអាងដោយទទួលស្គាល់ពីការចូលរួមចំណែករបស់មីក្រូហិរញ្ញវត្ថុក្នុងការជួយជ្រោមជ្រែងសេដ្ឋកិច្ចកម្ពុជា។ បច្ចុប្បន្ននេះទំហំទឹកប្រាក់ក្នុងវិស័យមីក្រូហិរញ្ញវត្ថុមានទំហំប្រមាណពី ២ទៅ៣ពាន់លានដុល្លារអាមេរិក ដែលប្រជាពលរដ្ឋបានខ្ចីពីធនាគារយកទៅប្រើប្រាស់។ ប៉ុន្តែកំណើននៃការឱ្យខ្ចីនាពេលបច្ចុប្បន្ននេះ ត្រូវបានគេមើលឃើញថា មិនសមាមាត្រទៅនឹងលទ្ធភាពសងរបស់ប្រជាពលរដ្ឋនោះទេ។ ដើម្បីដោះស្រាយបញ្ហានេះ អ្នកជំនាញសេដ្ឋកិច្ចបានអំពាវនាវឱ្យមីក្រូហិរញ្ញវត្ថុត្រូវបង្វែរទិសដៅរបស់ខ្លួនមកជាទុនសម្រាប់អភិវឌ្ឍន៍ច្រើនជាងទុនប្រាក់ចំណេញ។ ដោយឡែកអាជ្ញាធរពាក់ព័ន្ធរបស់ជាតិទាំងអស់ត្រូវធ្វើការជាមួយប្រជាពលរដ្ឋដើម្បីសម្រួចសកម្មភាពផលិតកម្មរបស់ពលរដ្ឋឱ្យត្រូវនឹងទីផ្សារដើម្បីអាចមានចំណូលច្រើនជាងបំណុល។
