អ្នកឃ្លាំមើលបរិស្ថាន ស្វាគមន៍ការបញ្ឈប់នាំចេញខ្សាច់ទៅលក់នៅក្រៅប្រទេស តែមិនទាន់ជឿ១០០%
ចុះផ្សាយនៅថ្ងៃ៖
ស្តាប់ - ០៩:២៣
ក្រសួងរ៉ែ និងថាមពល កាលពីថ្ងៃទី ១០ កក្កដា បានចេញសេចក្តីប្រកាស ស្តីពី ការបញ្ឈប់ការអនុញ្ញាតឲ្យនាំខ្សាច់គ្រប់ប្រភេទនៅខេត្តកោះកុង ចេញទៅលក់នៅក្រៅប្រទេស។ សេចក្តីសម្រេចលើកទី២នេះ បានធ្វើឡើងក្រោយពីមានរបាយការណ៍ស្តីពីផលប៉ះពាល់នៃការបូមខ្សាច់សមុទ្រ ដែលស្ថិតនៅតាមស្ទឹងនានានៅក្នុងខេត្តកោះកុង ហើយដែលត្រូវបានរងការរិះគន់ពីក្រុមអ្នកឃ្លាំមើលបរិស្ថាននៅកម្ពុជា។ យ៉ាងណាក៏ដោយ សេចក្តីប្រកាសនេះ ត្រូវបានស្វាគមន៍ភ្លាមៗ ដោយក្រុមអ្នកតស៊ូមតិ ប៉ុន្តែពួកគេនៅមិនទាន់ជឿជាក់១០០%នៅឡើយទេ។ ក្រុមអ្នកឃ្លាំមើលបរិស្ថាននៅក្នុងខេត្តកោះកុង បានកត់សំគាល់ថា មានសេចក្តីសម្រេចមួយចំនួន ដែលអាជ្ញាធររដ្ឋាភិបាលបានបរាជ័យ ក្រោយពីការដាក់ឲ្យអនុវត្ត។
