អ្នកស្រី ឡុង គឹមហ៊ាង៖ ផែនការទាំងអស់ត្រូវផ្លាស់ប្ដូរ ក្រោយស្វាមីជាប់ពន្ធនាគារ
ចុះផ្សាយនៅថ្ងៃ៖
ស្តាប់ - ០៨:៤៣
អ្នកស្រី ឡុង គឹមហ៊ាង ភរិយារបស់លោក រ៉ាត់ រ័ត្នមុនី កំពុងធ្វើការតស៊ូមតិដើម្បីទាមទារឲ្យមានការដោះលែងស្វាមីរបស់អ្នកស្រី គឺលោក រ៉ាត់ រ័ត្នមុន្នី បន្ទាប់ពីលោកត្រូវបានចោទប្រកាន់និងឃុំខ្លួននៅពន្ធនាគារព្រៃសរ ក្រោយបានចូលរួមផលិតខ្សែភាពយន្តឯកសារ “ម្តាយខ្ញុំ លក់ខ្ញុំ” ជាមួយទូរទស្សន៍ RT របស់រុស្ស៊ី។ ជាខ្សែភាពយន្តឯកសារដែលអាជ្ញាធរកម្ពុជាអះអាងថា ធ្វើឲ្យប៉ះពាល់ដល់មុខមាត់របស់កម្ពុជា។ យ៉ាងណាក៏ដោយ ក្នុងពេលដែលស្វាមីត្រូវជាប់ពន្ធនាគារ អស់រយៈពេលជាងមួយខែមកនេះ ស្ត្រីដែលមានកូនតូចនៅក្នុងបន្ទុកម្នាក់នេះ ត្រូវរស់នៅដោយប្រឈមនឹងការលំបាកសព្វគ្រប់បែបយ៉ាង។ អ្នកស្រីបានលើកឡើងថា គម្រោងទាំងអស់របស់អ្នកស្រី និងស្វាមីត្រូវបានរលាយ ក្រោយស្វាមីជាប់ពន្ធនាគារ។