បទយកការណ៍
ពលរដ្ឋថាចូលឆ្នាំ ឆ្នាំនេះកន្លែងកម្សាន្តមានច្រើន តែពួកគាត់មិនសូវមានប្រាក់
ចុះផ្សាយនៅថ្ងៃ៖
ស្តាប់ - ០៨:២០
ពលរដ្ឋខ្មែរកំពុងប្រារព្ធពិធីបុណ្យចូលឆ្នាំថ្មីប្រពៃណីជាតិ ឆ្នាំរកា។ នៅឆ្នាំនេះអាជ្ញាធរបានបង្កើតកន្លែងសប្បាយជាច្រើន នៅតាមខេត្តដើម្បីឲ្យពលរដ្ឋលេងកម្សាន្ត។ ស្ទើរតែគ្រប់ខេត្តបានបង្កើតព្រឹត្តការណ៍សង្រ្កាន មានអង្គរសង្រ្កាន្ត នៅខេត្តសៀមរាប សង្រ្កាន្តវត្តភ្នំ សង្រ្កានខេត្តព្រៃវែង ស្វាយរៀង និងខេត្តព្រះសីហនុ ជាដើម។ ប៉ុន្តែពលរដ្ឋខ្លះនិយាយថាជម្លោះនយោបាយពេញមួយឆ្នាំចាស់កន្លងទៅ បានធ្វើពួកគាត់ពិបាកចិត្ត និងរកប្រាក់មិនសូវបាន។ ដូច្នេះក្នុងឆ្នាំថ្មីនេះ ពួកគាត់សំណូមពរដល់អ្នកនយោបាយ ឈប់ឈ្លោះគ្នា គិតរាស្រ្ត និងជាតិ ផង។