ដល់សម័យដែលម្តាយត្រូវយំដោយសារសិទ្ធិរបស់កូន
ចុះផ្សាយនៅថ្ងៃ៖
ស្តាប់ - ០៨:២២
វិទ្យុបារាំងអន្តរជាតិបានផ្សាយរួចហើយ នូវបទយកការណ៍មួយ ដែលនិយាយពីនិន្នាការរស់ នៅជាមួយគ្នាជាប្តីប្រពន្ធ ដោយមិនបាច់រៀបការរបស់យុវជនខ្មែរ ថាមានចំនួនច្រើនឡើង។ បន្ទាប់ពីបានស្តាប់បទយកការណ៍នេះ មានអ្នកមីងម្នាក់រស់នៅក្នុងទីក្រុងភ្នំពេញ មករៀបរាប់ប្រាប់ពីទុក្ខសោករបស់គាត់។ ជាទុក្ខសោករបស់ម្តាយដែលមានកូនស្រីសុខចិត្តចុះចោល ម្តាយទៅរស់នៅជាមួយមិត្តប្រុសរបស់គេ។ សម្រាប់ម្តាយម្នាក់នេះ ឥរិយាបថកូនស្រីបែបនេះ ជាទុក្ខសោកធំណាស់សម្រាប់ជីវិតគាត់។ ក្នុងនាមជាចាស់ទុំម្នាក់ គាត់ចង់ឲ្យសង្គមជួយគិតគូររឿងធ្លាក់ចុះសីលធម៌រស់នៅរបស់យុវជនបែបនេះ។