ខួប២៥ឆ្នាំនៃកិច្ចព្រមព្រៀងសន្តិភាពក្រុងប៉ារីស, សង្គមស៊ីវិល ចង់ឃើញខ្មែរដើរចូលតុចរចាសាជាថ្មីទៀត!
ចុះផ្សាយនៅថ្ងៃ៖
ស្តាប់ - ០៥:២០
អង្គការសង្គមស៊ីវិលមួយចំនួន បានរៀបចំវេទិកាសាធារណៈ ស្តីពីខួបទី២៥នៃកិច្ចព្រមព្រៀងសន្តិភាពក្រុងប៉ារីស ឆ្នាំ១៩៩១ ស្តីពីកម្ពុជា។ ក្នុងវេទិកានេះ តំណាងអង្គការសង្គមស៊ីវិល បានរម្លឹកឡើងវិញ ពីគោលដៅរបស់កិច្ចព្រមព្រៀងក្រុងប៉ារីស គឺបង្កើតសន្តិភាព និងនាំភាគីជម្លោះរវាងខ្មែរនិងខ្មែរ ដើរចូលតុចរចា។ ២៥ឆ្នាំក្រោយមក គឺក្រុមសង្គមស៊ីវិល ចង់ឃើញខ្មែរចេះផ្សះផ្សាគ្នាជាថ្មីទៀត។ ទោះយ៉ាងនេះក្តី ក្រុមអ្នកតំណាងសង្គមស៊ីវិល នៅតែមើលឃើញថា រដ្ឋាភិបាលមិនទាន់អនុវត្តកិច្ចព្រមព្រៀងនេះ បានគ្រប់ជ្រុងជ្រោយនៅឡើយទេ ជាពិសេសលើផ្នែកសិទ្ធិមនុស្ស និងសិទ្ធិនយោបាយ។ ក៏ប៉ុន្តែតំណាងរដ្ឋាភិបាល បានឆ្លើយតបថា ខ្លឹមសាររួមដែលមានចែងក្នុងកិច្ចព្រមព្រៀងសន្តិភាពក្រុងប៉ារីស ត្រូវបានច្របាច់បញ្ចូលក្នុងរដ្ឋធម្មនុញ្ញ និងកំពុងអនុវត្តរាល់ថ្ងៃហើយ។
