ដំណោះស្រាយចំណតយានយន្តក្នុងរាជធានីរំដោះភាពរញ៉េរញ៉ៃ
ចុះផ្សាយនៅថ្ងៃ៖
ស្តាប់ - ១២:១៦
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានស្នើឲ្យរដ្ឋបាលថ្នាក់ក្រោមជាតិ ផ្តើមសិក្សារៀបចំចំណតយានយន្តនៅទីក្រុងឲ្យបានល្អប្រសើរ ដើម្បីកាត់បន្ថយការកកស្ទះចរាចរណ៍។ ចំណតរថយន្តសាធារណៈក្នុងរាជធានី ដែលគេមើលឃើញថា មានតិចតួចនៅឡើយ ហើយជាទូទៅម្ចាស់រថយន្ត ម្ចាស់ភោជនីយដ្ឋាន ផ្សារទំនើបមួយចំនួន តែងប្រើប្រាស់ចិញ្ចើមថ្នល់សាធារណៈ ដើម្បីចតយានយន្តអតិថិជនរបស់ខ្លួនជំនួសទៅវិញ។ អ្នកជំនាញផ្នែកសុវត្ថិភាពចរាចរណ៍ សាទរចំពោះគំនិតផ្តួចផ្តើមរបស់ប្រមុខរាជរដ្ឋាភិបាល តែទទូចឲ្យមានការចូលរួមពិភាក្សាជាមួយនឹង អ្នកជំនាញលើការងារបច្ចេកទេស ផ្នែកឯកជន ព្រមទាំងពលរដ្ឋអ្នកប្រើប្រាស់ ដែលជាកក្តាចាំបាច់បំផុតដើម្បីអនុវត្តគម្រោងឲ្យបានជោគជ័យ។