«ជួបគ្នាក្នុងអតីតកាល» បង្ហាញរឿងជូរចត់ក្នុងខ្មែរក្រហមតាមរយៈការសម្ដែងរបស់ក្មេងជំនាន់ក្រោយ
ចុះផ្សាយនៅថ្ងៃ៖
ស្តាប់ - ០៩:០៣
«ជួបគ្នាក្នុងអតីតកាល» ជាការសំដែងទស្សនីយភាពកម្រងឯកសារបែបប្រវត្តិសាស្រ្តមួយ ដែលត្រូវបានរៀបចំឡើងរយៈពេល៣ថ្ងៃនៅសាកលវិទ្យាល័យភូមិន្ទភ្នំពេញ ចាប់ពីថ្ងៃទី២៩ដល់ថ្ងៃទី៣១ខែមីនា ដោយសហគ្រាសសង្គមហ្វារ សមាគមហ្វារពន្លឺសិល្បៈ និងអម្រឹតាសិល្បៈ។ ផ្ទាំងទស្សនីយភាពដែលមានលាយឡំជាមួយសិល្បៈសៀកនេះ ត្រូវបានគេរៀបចំឡើងនៅខេត្តបាត់ដំបងរួចហើយ និងគ្រោងទៅសំដែងនៅខេត្តសៀមរាបបន្តទៀតនៅថ្ងៃទី២ខែមេសា។ អ្នករៀបចំកម្មវិធី បានឲ្យដឹងថា ព្រឹត្តិការណ៍នេះត្រូវបានរៀបចំឡើងដើម្បីឲ្យយុវជនជំនាន់ក្រោយបានយល់ដឹងពីរបបខ្មែរក្រហម ព្រោះការយល់ដឹងនេះមានសារៈសំខាន់ណាស់ក្នុងការបង្ការកុំឲ្យរបបដ៏ខ្មៅងងឹតនេះត្រឡប់មកវិញម្ដងទៀត។