កម្មវិធីសមធម៌របស់គ.ជ.ប. ផ្តល់ពេល ១៥នាទីសម្រាប់ឃោសនាគោលនយោបាយ, ប៉ុន្តែគណបក្សខ្លះថា មិនគ្រប់គ្រាន់ ហើយចង់ឲ្យមានវេទិកាជជែកដេញដោរគ្នា!
ចុះផ្សាយនៅថ្ងៃ៖
ស្តាប់ - ១០:៤៤
ដើម្បីឲ្យស្មើភាពគ្នា សម្រាប់ការឃោសនាគោលនយោបាយ ក្នុងការបោះឆ្នោតឃុំសង្កាត់ នៅពេលខាងមុខនេះ គណៈកម្មាធិការរៀបចំការបោះឆ្នោត បានបង្កើតគោលការណ៍៣ចំណុច។ គោលការណ៍នេះ គឺនឹងផ្តោតទៅលើការរៀបចំឃោសនាផ្សព្វផ្សាយរបស់អង្គការសង្គមស៊ីវិល, ប្រព័ន្ធឃោសនាវិទ្យុទូរទស្សន៍ និងកម្មវិធីសមធម៌។ ចំពោះកម្មវិធីសមធម៌របស់គ.ជ.ប. តម្រូវឲ្យអ្នកតំណាងបក្សនយោបាយនីមួយៗ និយាយពីគោលនយោបាយរបស់ខ្លួន ប្រហែល ១៥នាទី ហើយនឹងត្រូវយកទៅផ្សាយនៅទូរទស្សន៍និងវិទ្យុជាតិ។ ក៏ប៉ុន្តែ គណបក្សនយោបាយខ្លះ ថារយៈពេល ១៥ប៉ុណ្ណេះ គឺមិនទាន់គ្រប់គ្រាន់នៅឡើយទេ។ មិនតែប៉ុណ្ណោះ គណបក្សបក្សខ្លះ ទាមទារឲ្យមានការជជែកវែកញែក និងសួរដេញដោរគ្នាថែមទៀតផង។