ទីប្រឹក្សារដ្ឋមន្ត្រីការបរទេស៖ កម្ពុជាស្វាគមន៏រាល់ការវិនិយោគពីបរទេសមិនមែនតែប្រទេសចិនទេ
លោកបណ្ឌិត រ៉ាអ៊ូល ម៉ាក់ ជេនណា (Raoul M. Jennar) ទីប្រឹក្សារដ្ឋមន្ត្រីការបរទេសលើកឡើងថាកម្ពុជាស្វាគមន៍រាល់ការវិនិយោគ និងកិច្ចសហប្រតិបត្តិការជាមួយចិន ប៉ុន្តែកម្ពុជាក៏ចង់បានការវិនិយោគ និងកិច្ចសហប្រតិបត្តិការបន្ថែមពីប្រទេសផ្សេងទៀតដែរ ដូចជាជប៉ុន កូរ៉េខាងត្បូង ឥណ្ឌា សហភាពអឺរ៉ុប និងសហរដ្ឋអាមេរិក ដើម្បីឲ្យមានតុល្យភាព។ ជាការលើកឡើងក្នុងឱកាសខួប៣០ឆ្នាំ ដែលលោកបណ្ឌិត រ៉ាអ៊ូល ម៉ាក់ ជេនណា មកប្រទេសកម្ពុជា ខណៈបច្ចុប្បន្នលោក គឺជាទីប្រឹក្សាផ្នែកកាទូតនៃក្រសួងការបរទេសកម្ពុជា។ ក្នុងជំនួបជាមួយអ្នកសារព័ត៌មាននាថ្ងៃទី១១ ខែមេសានេះ លោក រ៉ាអ៊ូល បានលើកឡើងជាច្រើនពីចំណាប់អារម្មណ៍របស់លោក និងប្រវត្តិរបស់ប្រទេសកម្ពុជានាពេលចុងក្រោយនេះ។ បើតាមលោករ៉ាអ៊ូល អំណាចរបស់លោកនាយករដ្ឋមន្ត្រី ហ៊ុន សែន គឺបានមកពីចារឹកនយោបាយរបស់លោកនាយករដ្ឋមន្ត្រីផ្ទាល់ ពោលគឺសមត្ថភាព ដែលរក្សាបាននូវការរួបរួមផ្ទៃក្នុងរបស់គណបក្សប្រជាជនកម្ពុជា។ នេះហើយគឺជាអំណាចរបស់លោកនាយករដ្ឋមន្ត្រី។
ចុះផ្សាយនៅថ្ងៃ៖
ប្រសាសន៍លោកបណ្ឌិត Raoul Jennar ទីប្រឹក្សារដ្ឋមន្ត្រីការបរទេសកម្ពុជា
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ