លោកបណ្ឌិត រស់ សុវាចា៖«គណៈគ្រប់គ្រងបណ្តោះអាសន្ន នឹងរកដំណោះស្រាយសមស្របមួយសម្រាប់វិទ្យាល័យព្រះស៊ីសុវត្ថិ»
ចុះផ្សាយនៅថ្ងៃ៖
ស្តាប់ - ១០:៥៥
លោកគ្រូ អ្នកគ្រូ និងសិស្សានុសិស្ស ជាច្រើននាក់នៃវិទ្យាល័យព្រះស៊ីសុវត្ថិ នៅព្រឹកថ្ងៃពុធនេះ បាននាំគ្នាធ្វើការតវ៉ាទ្រង់ទ្រាយធំ ដើម្បីទាមទារឲ្យក្រសួងអប់រំ ដកសាលាជំនាន់ថ្មីចេញពីវិទ្យាល័យព្រះស៊ីសុវត្ថិ។ ការទាមទារនេះ បានភ្ជាប់បន្ទាប់ពីក្រសួងអប់រំ បានផ្លាស់ប្តូរការងារនាយកសាលាព្រះស៊ីសុវត្ថិ លោក មូល ស៊ុយហេង ឲ្យទៅបំរើការងារនៅក្រសួងអប់រំ កាលពីពេលថ្មីៗនេះ ហើយបង្កើតគណៈគ្រប់គ្រងបណ្តោះអាសន្នមួយ ដើម្បីដោះស្រាយបញ្ហានានា ដែលកើតមានឡើងតាមរយៈការតវ៉ានេះ។ លោកបណ្ឌិត រស់ សុវាចា អ្នកនាំពាក្យក្រសួងអប់រំ បានបញ្ជាក់ប្រាប់វិទ្យុបារាំង RFI ថា គណៈគ្រប់គ្រងបណ្តោះអាសន្ន នឹងមានដំណោះស្រាយសមស្របសម្រាប់លោកគ្រូ អ្នកគ្រូ ចាប់ពីកិច្ចប្រជុំនៅថ្ងៃស្អែកនេះទៅ។