តើក្តីស្រម៉ៃរបស់ លោក សម រង្ស៊ី ដែលថា សង្គ្រោះជាតិនឹងឈ្នះឆ្នោតភ្លូកទឹកភ្លូកដី សម្រាប់ការបោះឆ្នោតខាងមុខ អាចទៅរួចទេ?
ចុះផ្សាយនៅថ្ងៃ៖
ស្តាប់ - ០៩:០៤
លោក សម រង្ស៊ី អតីតប្រធានគណបក្សសង្រ្គោះជាតិ ដែលកំពុងស្ថិតនៅក្រៅប្រទេស កាលពីថ្ងៃសៅរិ៍ នៅក្នុងពេលជួបជុំពិភាក្សាជាមួយពលរដ្ឋខ្មែរនៅប្រទេសបារាំង បានបង្ហាញពីជំនឿរបស់លោកថា គណបក្សសង្រ្គោះជាតិនឹងឈ្នះឆ្នោត ទាំងការបោះឆ្នោតក្រុមប្រឹក្សាឃុំសង្កាត់ និង ការបោះឆ្នោតថ្នាក់ជាតិខាងមុខ។ លោក សម រង្ស៊ី មានបញ្ជាក់យ៉ាងដូច្នេះ ដោយសារតែលោក មានជំនឿ ទៅលើការរៀបចំបញ្ជីឈ្មោះបោះឆ្នោតរបស់ គណៈកម្មាធិការជាតិរៀបចំការបោះឆ្នោត (គជប)។ យ៉ាងណាក៏ដោយ អ្នកតាមដានបញ្ហាសង្គម និង នយោបាយ ចាត់ទុកថា នេះគ្រាន់តែជាវោហាសាស្រ្ត ដើម្បីទាក់ទាញការចាប់អារម្មណ៍ពីអ្នកគាំទ្រតែប៉ុណ្ណោះ។ ចំណែកឯ គណបក្សកាន់អំណាច ចាត់ទុកថា នេះគ្រាន់តែជាការយល់សប្តិរបស់អតីតប្រធានគណបក្សសង្រ្គោះជាតិរូបនេះតែប៉ុណ្ណោះ។
