លោក សម រង្ស៊ី ៖សហភាពអឺរ៉ុបត្រូវតែរក្សាគោលជំហរឲ្យរឹងមាំ ក្នុងការជួយស្តារលទ្ធិប្រជាធិបតេយ្យនៅកម្ពុជា
លោក សម រង្ស៊ី បានប្រកាសនៅថ្ងៃចន្ទនេះថា ប្រតិកម្មរបស់សហភាពអឺរ៉ុប ឆ្លើយតបទៅនឹងការរំកិលទៅរកអំណាចផ្តាច់ការ នៅប្រទេសកម្ពុជា គឺការព្យួរកម្មវិធីអនុគ្រោះពន្ធដារ EBA គឺជាវិធានការត្រឹមត្រូវ និងសមស្របពេលដែល លោក សម រង្ស៊ី អះអាងថាលោកអាចទទួលយកបាន។ ការប្រកាសរបស់ លោក សម រង្ស៊ី នៅពេលនេះគឺបន្ទាប់ពីស្នងការអឺរ៉ុបបានជួបពិភាក្សាជាមួយប្រមុខការទូតកម្ពុជាកាលពីពេលថ្មីនេះ ដោយលោកស្រី Cecilia Malmstrom អះអាងថា អឺរ៉ុបនៅតែបើកទ្វារចរចាជាមួយកម្ពុជា។ ប៉ុន្តែនៅតែបារម្ភអំពីលទ្ធិប្រជាធិបតេយ្យ សិទ្ធិមនុស្ស និងនីតិរដ្ឋនៅកម្ពុជា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥១
តាមសំណេរជាភាសាអង់គ្លេសផង និងភាសាខ្មែរផងនៅលើទំព័រហ្វេសប៊ុកនៅថ្ងៃទី២៨ខែមរា លោក សម រង្ស៊ី អះអាងទៀតថា ប្រជារាស្ត្រខ្មែរ សុខចិត្តអត់ទ្រាំមួយរយៈពេលខ្លី ពីការលំបាកខ្លះ ដែលអាចបណ្តាលមកពីការព្យួរកម្មវិធីអនុគ្រោះពន្ធដារ EBA ពីព្រោះលោកជឿជាក់ថា ប្រជាជនខ្មែរ នឹងទទួលបានអនាគតដ៏ភ្លឺថ្លា ពេលណាប្រទេសកម្ពុជា បានស្គាល់នូវលទ្ធិប្រជាធិបតេយ្យពិតប្រាកដ។
បើតាម លោក សម រង្ស៊ី សហភាពអឺរ៉ុបត្រូវតែរក្សាគោលជំហរឲ្យរឹងមាំ ក្នុងការជួយស្តារលទ្ធិប្រជាធិបតេយ្យនៅកម្ពុជា។
លោក សម រង្ស៊ី បានបញ្ជាក់ទៅសហភាពអឺរ៉ុបថា ប្រតិកម្មរបស់សហភាពអឺរ៉ុប ឆ្លើយតបទៅនឹងការរំកិលទៅរកអំណាចផ្តាច់ការនៅប្រទេសកម្ពុជា គឺការព្យួរកម្មវិធីអនុគ្រោះពន្ធដារ EBA គឺជាវិធានការត្រឹមត្រូវ និងសមស្រប ដែលលោកអាចទទួលយកបាន។
ការប្រកាសរបស់ លោក សម រង្ស៊ី នៅពេលនេះគឺបន្ទាប់ពីស្នងការអឺរ៉ុបបានជួបពិភាក្សាជាមួយប្រមុខការទូតកម្ពុជាកាលពីពេលថ្មីនេះ ដោយលោកស្រី Cecilia Malmstrom អះអាងថា អឺរ៉ុបនៅតែបើកទ្វារចរចាជាមួយកម្ពុជា។ ប៉ុន្តែនៅតែបារម្ភអំពីលទ្ធិប្រជាធិបតេយ្យ សិទ្ធិមនុស្ស និងនីតិរដ្ឋនៅកម្ពុជា។
លោក សុខ ឥសាន អ្នកនាំពាក្យគណបក្សប្រជាជនកម្ពុជាបានឆ្លើយតបថា ការដែលលោកសម រង្ស៊ី សរសេរលិខិតបែបនេះ គឺគ្រាន់តែភ្ជាប់ខ្លួនទៅនឹងសហភាពអឺរ៉ុប ដោយថាពេលនេះ លោក សម រង្ស៊ី លែងមានឥទ្ធិពលទៀតហើយ។
កាលពីថ្ងៃទី២១មករា តំណាងវិស័យឯកជនចំនួន៣៩ស្ថាប័ននៅកម្ពុជា បានគូសបញ្ជាក់ថា អវត្តមាន EBA នឹងធ្វើឲ្យប៉ះពាល់ដោយផ្ទាល់ដល់ជីវភាពរស់នៅរបស់កម្មករ និងក្រុមគ្រួសាររបស់ពួកគេរាប់លាននាក់ ដែលអាស្រ័យការងារនៅក្នុងវិស័យកាត់ដេរនៅកម្ពុជា។ មិនតែប៉ុណ្ណោះ វាក៏នឹងរុញច្រានឲ្យពួកគេខិតទៅរកហានិភ័យនៃការវិលត្រឡប់ទៅរកភាពក្រីក្រឡើងវិញថែមទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ