លោកសម រង្ស៊ី ៖«ឯកសារដែលមានការផ្សព្វផ្សាយប្រឆាំងនឹងលោក គឺជាឯកសារសាធារណៈធម្មតា»
ចុះផ្សាយនៅថ្ងៃ៖
ស្តាប់ - ១១:៣៥
អតីតប្រធានគណបក្សសង្គ្រោះជាតិ និងជាស្ថាបនិកចលនាសង្គ្រោះជាតិលោកសម រង្ស៊ីថ្លែងប្រាប់វិទ្យុបារាំង RFI នៅថ្ងៃនេះថា លោកមិនបដិសេធនូវឃ្លីបវីដេអូដែលត្រូវបានផ្សព្វផ្សាយ ដោយប្រព័ន្ធផ្សព្វផ្សាយនានា ក្នុងប្រទេសកម្ពុជានិងតាមហ្វេសប៊ុក ក៏ប៉ុន្តែលោកថាអ្នកបកស្រាយគឺធ្វើឡើងខុសពីការពិត។ ប្រតិកម្មរបស់លោកសម រង្ស៊ី ដូច្នេះ បានធ្វើឡើងបន្ទាប់ពី មានការចេញផ្សាយតាមបណ្តាញព័ត៌មានស្និទ្ធរដ្ឋាភិបាលថា លោកបាននិយាយពីការកាត់ខេត្តខ្មែរចំនួន៤ ឲ្យទៅក្រុមជនជាតិដើមភាគតិចម៉ុងតាញ៉ាវៀតណាមនៅពេលគណបក្សសង្គ្រោះជាតិដឹកនាំរដ្ឋាភិបាល។ ការលើកឡើងនេះ គឺខណៈលោកសម រង្ស៊ី បានជួបប្រជុំជាមួយមេដឹកនាំ Degar នៅសហរដ្ឋអាមេរិកកាលពីឆ្នាំ២០១៣។