លោក ឡាំ សុជាតិ៖ កម្ពុជា «មិនត្រូវទុកឲ្យនរណាម្នាក់ខ្វះព័ត៌មានឡើយ»
ចុះផ្សាយនៅថ្ងៃ៖
ស្តាប់ - ១១:៥៩
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឡាំ សុជាតិ នាយកវិទ្យាស្ថានតស៊ូមតិ និងគោលនយោបាយកម្ពុជា ហៅកាត់ថា (API)។ នៅថ្ងៃទី ២៨ កញ្ញានេះ គឺជាទិវាសិទ្ធិទទួលបានព័ត៌មានជាសកល ដែលត្រូវបានអនុម័តដោយអង្គការសហប្រជាជាតិ ធ្វើឡើងក្រោមប្រធានបទ «មិនត្រូវទុកឲ្យនរណាម្នាក់ខ្វះព័ត៌មានឡើយ»។ ឆ្លៀតនៅក្នុងឱកាសនេះ លោក ឡាំ សុជាតិ តំណាងឲ្យអង្គការសង្គមស៊ីវិលប្រមាណជា២០ បានចេញសេចក្តីថ្លែងការណ៍រួមមួយ ដោយទទូចឲ្យរដ្ឋាភិបាលកម្ពុជាពន្លឿនការអនុម័តច្បាប់ ស្តីពី សិទ្ធិទទួលបានព័ត៌មាន បន្ទាប់ពីចាយពេលអស់១០ឆ្នាំ។ តើច្បាប់នេះ មានសារៈសំខាន់យ៉ាងណា?
