លោក ឌិត ទីណា៖ គោលនយោបាយជាតិស្តីពី ធនធានរ៉ែ ជួយជម្រុញបន្ថែមលើការគ្រប់គ្រងរ៉ែនៅកម្ពុជា
ចុះផ្សាយនៅថ្ងៃ៖
ស្តាប់ - ១២:១១
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឌិត ទីណា រដ្ឋលេខាធិការក្រសួងរ៉ែ និងថាមពល។ ក្រសួងរ៉ែ និងថាមពល កាលពីព្រឹកថ្ងៃទី ១៨ ធ្នូ នេះ បានលើកយកសេចក្តីព្រៀងគោលនយោបាយជាតិ ស្តីពី “ធនធានរ៉ែ” ដែលជាសេចក្តីព្រាងលើកដំបូង ដាក់ឲ្យភាគីពាក់ព័ន្ធពិភាក្សា ដើម្បីស្វែងរកធាតុផ្សុំបន្ថែម។ លោក ឌិត ទីណា ដែលបានដឹកនាំកិច្ចពិភាក្សានេះ បានលើកឡើងថា គោលនយោបាយជាតិ ស្តីពី ធនធានរ៉ែ នេះ នឹងផ្តល់ជាកម្លាំងថែមទៀត ក្នុងការអភិវឌ្ឍធនធានរ៉ែដ៏មានតម្លៃរបស់កម្ពុជា ដើម្បីធានាឲ្យការអភិវឌ្ឍធនធានរ៉ែ ដែលត្រូវបានធ្វើឡើងប្រកបដោយចីរភាព ប្រសិទ្ធភាព ប្រសិទ្ធផល និងតម្លាភាព ស្របតាមកម្មវិធីនយោបាយរបស់រដ្ឋាភិបាលកម្ពុជាអាណត្តិទី០៥ ដែលបានកំណត់ថា “ការអភិវឌ្ឍធនធានរ៉ែ ប្រេងកាត និងឧស្ម័ន ដើម្បីប្រែក្លាយធនធាននេះឲ្យទៅជាប្រភពថ្មីមួយទៀតនៃកំណើនសេដ្ឋកិច្ចរបស់កម្ពុជា។
