លោក ឡឹក សុធារ៖ រដ្ឋសភាគួរពុំទាន់ផ្តល់សច្ចាប័នលើសន្ធិសញ្ញាព្រំដែនកម្ពុជា-វៀតណាមឡើយ ខណៈមិនទាន់មានឯកភាពជាតិ
ចុះផ្សាយនៅថ្ងៃ៖
ស្តាប់ - ១១:២៧
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក ឡឹក សុធារ បេក្ខជនតំណាងរាស្ត្រនិងជាអ្នកនាំពាក្យគណបក្សប្រជាធិបតេយ្យមូលដ្ឋាន (GDP)។ បើតាមលោក ឡឹក សុធារ គណបក្សប្រជាធិបតេយ្យមូលដ្ឋាន (GDP) នៅមិនទាន់ស្ងប់ចិត្តឡើយ បើទោះបីជាមានការបំភ្លឺពី ប្រធានគណៈកម្មការព្រំដែនកម្ពុជា ជុំវិញការចុះហត្ថលេខាលើកិច្ចព្រមព្រៀងព្រំដែនកម្ពុជា-វៀតណាម កាលពីថ្ងៃទី ០៥ តុលា ក្តី និងបានស្នើសុំឲ្យរដ្ឋាភិបាលបង្ហាញជាសាធារណៈនូវឯកសារចំនួនពីរនៃកិច្ចព្រមព្រៀងនេះ។ បន្ថែមលើនេះ គណបក្សប្រជាធិបតេយ្យមូលដ្ឋាន ក៏ទទូចសុំឲ្យរដ្ឋសភាកម្ពុជាពន្យាពេលផ្តល់សច្ចាប័នលើសន្ធិសញ្ញាព្រំដែនកម្ពុជា-វៀតណាមនេះសិន ខណៈដែលកម្ពុជាមិនទាន់មានឯកភាពជាតិនៅឡើយនោះ។