លោក វ៉ាត់ ចំរើន៖ ស៊ីហ្គេម២០២៣ កម្ពុជាផ្តើមរាប់ថយក្រោយ ក្រោយកំណត់ថ្ងៃទី០៥ ឧសភា ជាថ្ងៃបើក
ចុះផ្សាយនៅថ្ងៃ៖
ស្តាប់ - ១០:៥៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា។ លោក វ៉ាត់ ចំរើន ដែលជាអគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម (CAMSOC) ផងនោះបានបញ្ជាក់ថា កម្ពុជាបានចាប់ផ្តើមរាប់ថយក្រោយ ក្រោយពីបានកំណត់យកថ្ងៃទី ០៥ ឧសភា ឆ្នាំ ២០២៣ គឺជាថ្ងៃបើកការប្រកួតកីឡាស៊ីហ្គេម ហើយថ្ងៃទី ១៥ ឧសភា គឺជាថ្ងៃបិទការប្រកួតវិញ។ បើតាមលោក វ៉ាត់ ចំរើន គិតពីថ្ងៃទី១៣ កញ្ញា ឆ្នាំ២០១៩ ទៅ គឺមានរយៈពេល១៣២៧ថ្ងៃទៀតប៉ុណ្ណោះគឺដល់ពេលហើយដែលកម្ពុជាត្រូវធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ ដែលនឹងមានអត្តពលិករាប់ម៉ឺននាក់ចូលរួម។ តើពលរដ្ឋកម្ពុជា និងអត្តពលិកកម្ពុជា ត្រូវចូលរួម និងត្រៀមខ្លួនយ៉ាងណានៅក្នុងព្រឹត្តិការណ៍កីឡាដ៏ធំលើកទី០១នៅកម្ពុជាក្នុងរយៈពេល៥៤ឆ្នាំនេះ?សូមស្តាប់បទសម្ភាសន៍រវាង វ៉ា សំណព្វ ជាមួយលោក វ៉ាត់ ចំរើន៖