លោក ជេត ភារម្យ៖ កសិដ្ឋានចិញ្ចឹមជ្រូកក្នុងស្រុកប្រឈមការបិទទ្វារជាថ្មី ដោយសារតម្លៃជ្រូករស់ធ្លាក់ចុះ
ចុះផ្សាយនៅថ្ងៃ៖
ស្តាប់ - ០៩:៤៦
បញ្ហាចម្រូងចម្រាស់នៃការនាំចូលជ្រូកពីប្រទេសជិតខាងមកកម្ពុជា បានផ្ទុះឡើងជាថ្មីនៅថ្ងៃនេះ បន្ទាប់ពីសមាគមអ្នកចិញ្ចឹមសត្វកម្ពុជា ដែលមានការចូលរួមពីកសិករអ្នកចិញ្ចឹមជ្រូកផង បានធ្វើសន្និសីទកាសែតមួយដោយបានលើកឡើងពីការត្អូញត្អែរបស់ខ្លួន។ លោក ជេត ភារម្យ អនុប្រធានសមាគមអ្នកចិញ្ចឹមសត្វកម្ពុជា បានថ្លែងក្នុងនាមជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះថា បន្ទាប់ពីប្រទេសចិនបានបិទទីផ្សារនាំចូលជ្រូករស់ពីប្រទេសវៀតណាមតាំងពីដើមឆ្នាំ ២០១៧ នេះមក បានជំរុញឲ្យប្រទេសវៀតណាមនាំចូលមកកម្ពុជាវិញ ដោយបន្ថោកតម្លៃ រហូតកសិករក្នុងស្រុកលើសពី៥០%បានបោះបង់មុខរបរចិញ្ចឹមជ្រូក។ លោកថា ប្រសិនបើមិនមានការដោះស្រាយជាបន្ទាន់ណាមួយទេនោះ កសិដ្ឋានចិញ្ចឹមជ្រូកក្នុងស្រុកទាំងលក្ខណៈគ្រួសារ និងលក្ខណៈឧស្សាហកម្ម អាចប្រឈមនឹងការបិទទ្វារ។ខាងក្រោមនេះគឺជាបទសម្ភាសន៍រវាង វ៉ា សំណព្វ ជាមួយលោក ជេត ភារម្យ។