លោកមូសារ អ៊ីស្សាម៖ ASEAN ផ្តល់ភាពជាគំរូដល់EU ក្នុងនយោបាយមិនលូកដៃកិច្ចការផ្ទៃក្នុងគ្នា
ចុះផ្សាយនៅថ្ងៃ៖
ស្តាប់ - ១៤:៤៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក មូសារ អ៊ីស្សាម ជាសមាជិកស្ថាបនិក និងជាសមាជិកក្រុមប្រឹក្សាផ្នែកវិទ្យាសាស្ត្រនៃសមាគម ហង់រី កាពីតង់ ដែលជាសមាគមមិត្តភាពវប្បធម៌ប្រព័ន្ធគតិយុត្តស៊ីវិល ឡ នៅកម្ពុជា។ អស់រយៈពេលពីរថ្ងៃហើយ ដែលសមាគមនេះបានរៀបចំសិក្ខាសាលាស្តីពីទំនាក់ទំនង៤០ឆ្នាំរវាងអង្គការតំបន់ពីរ គឺអាស៊ាន និងសហភាពអឺរ៉ុប។ នៅក្នុងសិក្ខាសាលានេះ មានការវាយតម្លៃថា អាស៊ានបានផ្តល់ភាពគំរូមួយ ដល់សហភាពអឺរ៉ុប តាមរយៈនយោបាយមិនលូកដៃកិច្ចការក្នុងនៃប្រទេសជាសមាជិក។ ការលើកឡើងបែបនេះ គឺខណៈដែលគណៈប្រតិភូសភាសហភាពអឺរ៉ុបកំពុងបំពេញទស្សនកិច្ចនៅកម្ពុជា ដោយបានបង្ហាញការព្រួយបារម្ភពីការចាប់ខ្លួនលោក កឹម សុខា ប្រធានគណបក្សសង្គ្រោះជាតិ និងការប៉ុនប៉ងរំលាយគណបក្សសង្គ្រោះជាតិ ដែលវាគ្មិននៅក្នុងសិក្ខាសាលានេះ បានលើកឡើងថា សហភាពអឺរ៉ុបមិនទាន់យល់អំពីទស្សនវិស័យរបស់ប្រទេសនៅក្នុងតំបន់អាស៊ាន ដែលធ្វើឲ្យទំនាក់ទំនង រវាងអាស៊ាននិងអឺរ៉ុបមិនសូវល្អ ដូចទំនាក់ទំនងអាស៊ាននិងចិននោះទេ។
