«បញ្ហាសមុទ្រចិនខាងត្បូង» នឹងតាមញ៉ាំញីកិច្ចប្រជុំសភាអាស៊ាន AIPA នៅខែកញ្ញា
ចុះផ្សាយនៅថ្ងៃ៖
ស្តាប់ - ០៩:៣៨
បន្ទាប់ពីមានការខ្វែងគំនិតគ្នានៅក្នុងការចេញសេចក្តីថ្លែងការរួមនៃកិច្ចប្រជុំរដ្ឋមន្ត្រីការបរទេសអាស៊ាននៅទីក្រុងវៀងច័ន្ទន៍ប្រទេសឡាវ កាលពីខែកក្កដាកន្លងទៅ ដោយសារតែបញ្ហាសមុទ្រចិនខាងត្បូង មហាសន្និបាតអន្តរសភាអាស៊ាន(AIPA) ដែលនឹងត្រូវធ្វើនៅប្រទេសឡាវនៅខែកញ្ញាខាងមុខត្រូវគេដឹងថាអាចនឹងមានដាក់បញ្ចូលប្រធានបទស្តីពីបញ្ហាសមុទ្រចិនខាងត្បូងនេះដែរ។ ក៏ប៉ុន្តែសមាជិកសភាប្រទេសកម្ពុជាមួយចំនួនបានថ្លែងប្រាប់ប្រព័ន្ធផ្សព្វផ្សាយក្នុងស្រុកកាលពីពេលថ្មីៗនេះថា រដ្ឋសភាកម្ពុជានឹងស្នើសុំទៅប្រធានកិច្ចប្រជុំ AIPA កុំដាក់បញ្ចូលចំណុចនេះទៅក្នុងសេចក្តីថ្លែងការណ៍រួម ដែលគ្រោងនឹងចេញនៅចុងបញ្ចប់នៃកិច្ចប្រជុំទីក្រុងវៀងចន្ទន៍។