លោកតឹក វណ្ណារ៉ា៖ ស្ថានភាពជម្លោះដីធ្លីស្ងប់ស្ងាត់ តែមិនមែនមានន័យថា បញ្ហាត្រូវបានដោះស្រាយនោះទេ
ចុះផ្សាយនៅថ្ងៃ៖
ស្តាប់ - ១០:៣២
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោក តឹក វណ្ណារ៉ា នាយកប្រតិបត្តិវេទិកានៃអង្គការមិនមែនរដ្ឋាភិបាលស្តីពីកម្ពុជា ហៅកាត់ថា NGO Forum។ ឆ្លើយតបនឹងសំណួររបស់វិទ្យុបារាំងអន្តរជាតិ RFI លោក តឹក វណ្ណារ៉ា បានកត់សម្គាល់ថា ស្ថានភាពជម្លោះដីធ្លីនៅកម្ពុជាក្នុងរយៈពេលចុងក្រោយនេះ ហាក់ស្ងប់ស្ងាត់ ក៏ប៉ុន្តែមិនមែនមានន័យថា បញ្ហាទាំងអស់ត្រូវបានដោះស្រាយនោះទេ។ ការអះអាងរបស់លោក តឹក វណ្ណារ៉ា បានធ្វើឡើង ស្របពេលដែលមជ្ឈមណ្ឌលស្រាវជ្រាវ តស៊ូមតិ និងទំនាក់ទំនង (RACC) នៃវេទិកាអង្គការមិនមែនរដ្ឋាភិបាល ស្តីពី កម្ពុជា បានចេញផ្សាយរបាយការណ៍ “វិភាគស្ថិតិស្តីពី សម្បទានដីសេដ្ឋកិច្ចនៅកម្ពុជា” កាលពីព្រឹកថ្ងៃទី២៨មិថុនាឆ្នាំ២០១៦។