ប្រាក់ខែឡើង តម្លៃភ្លើងទាប មិនទាន់ធ្វើឲ្យកម្មករកាត់ដេរធួរស្រាលទេ
ចុះផ្សាយនៅថ្ងៃ៖
ស្តាប់ - ០៨:១៣
កម្មករក្នុងឧស្សាហកម្មកាត់ដេរ ស្បែកជើង នៅកម្ពុជា ជាប្រភេទការងារ ដែលមានកម្លាំងពលកម្មច្រើនជាងវិស័យណាៗទាំងអស់ ប៉ុន្តែអ្នកលក់កម្លាំង ក្នុងវិស័យនេះ ត្រូវបានគេមើលឃើញថាមានប្រាក់ខែទាប លក្ខខណ្ឌការងារលំបាក បរិស្ថានកន្លែងរស់នៅមិនល្អ ការហូបចុកខ្វះវីតាមីន។ ចាប់ពីដើមឆ្នាំ២០១៥នេះកម្មករកាត់ដេរ នឹងមានប្រាក់ខែគោល១២៨ដុល្លារ ហើយរដ្ឋាភិបាលគ្រោងតបណ្តាញអគ្គិសនីចូលបន្ទប់ពួកគេផ្ទាល់តែម្តង ដើម្បីបានប្រើប្រាស់ភ្លើងក្នុងតម្លៃទាប។ តែទោះបីជាមានចំណុចជាវិជ្ជមានទាំងពីរខាងលើនេះក្តី កម្មករខ្លះបានប្រាប់ថា វានៅមិនទាន់ធ្វើឲ្យការរស់នៅរបស់ពួកគាត់ប្រសើរនោះឡើយ។