លោកយាយ តោ សាង ចូលសាលារៀនលើកដំបូងពេលវ័យ ៧១ឆ្នាំ
ចុះផ្សាយនៅថ្ងៃ៖
ស្តាប់ - ០៧:០៤
លោកយាយ តោ សាង ដែលសព្វថ្ងៃមានវ័យ ៧១ឆ្នាំហើយ ទើបតែបាន បញ្ចប់ការសិក្សា វគ្គអក្ខរកម្មកម្រិត១ រយះពេល បីខែ ដោយជោគជ័យ នៅដើមខែឧសភា ឆ្នាំ២០១៧នេះ។ ជាវគ្គសិក្សា ដែលបណ្តុះបណ្តាលត្រឹម សមាជិក ជាមនុស្សចាស់ក្រីក្រ របស់ អង្គការមូលនិធិកុមារកម្ពុជា នៅភូមិឬស្សី សង្កាត់ស្ទឹងមានជ័យ រាជធានីភ្នំពេញ។ ត្បិតលោកយាយ សាង មានឳពុកម្តាយ មិនផ្តល់តម្លៃលើការសិក្សារបស់កូនស្រី ហើយមានកូនប្រុសស្រី រៀនសូត្របានតិចតួច លោកយាយ តោ សាង សង្ឃឹមថា ចៅៗរបស់លោកយាយ នឹងព្យាយាមរៀនសូត្រឲ្យបានខ្ពង់ខ្ពស់គ្រប់ៗគ្នា។ ប៉ុន្តែជា មនុស្សចាស់ក្រីក្រ និងរស់គ្មានទ្រព្យម្នាក់ លោកយាយ តោ សាង មានត្រឹមតែបណ្តាំ និងដំបូន្មានសម្រាប់ចៅៗប៉ុន្មានឃ្លាប៉ុណ្ណោះ។