តើករណីគ្រោះថ្នាក់ចរាចរណ៍ កំពុងខិតជិតការទាញសញ្ញាអាសន្នឬ?
ចុះផ្សាយនៅថ្ងៃ៖
ស្តាប់ - ១២:៤៦
នៅក្នុងសន្និសីទកាសែតករណីគ្រោះថ្នាក់ចរាចរណ៍ចំពោះក្បួនព្រះទីនាំងសម្ដេចក្រុមព្រះ នរោត្តម រណឫទ្ធិ កាលពីម្សិលមិញ អគ្គស្នងការនគរបាលជាតិ សម្តែងក្តីព្រួយបារម្ភថា ករណីគ្រោះថ្នាក់ចរាចរណ៍ បាននឹងកំពុងក្លាយជាឃាតករលាក់មុខឆក់យកជីវិតមនុស្សជារៀងរាល់ថ្ងៃ។ នៅឆមាសទី១ ឆ្នាំ២០១៨នេះ គ្រោះថ្នាក់ចរាចរណ៍បានឆក់យកជីវិតមនុស្សជិត ២ពាន់នាក់ ដែលកើតឡើងភាគច្រើន គឺបណ្តាលមកពី ការបើកបរលើសល្បឿនកំណត់។ អ្នកតាមដានបញ្ហាសង្គម និងស្ថាប័នដែលធ្វើការពាក់ព័ន្ធនឹងបញ្ហានេះ មើលឃើញថា ស្ថានភាពគ្រោះថ្នាក់ចរាចរណ៍នៅកម្ពុជា មិនមានភាពល្អប្រសើរឡើយ ខណៈ ការអនុវត្តច្បាប់ចរាចរណ៍នៅតែមានភាពធូររលុង។ ហើយពួកគេ ក៏លើកឡើងព្រមគ្នាថា ករណីគ្រោះថ្នាក់ចរាចរណ៍ កំពុងខិតជិតការទាញសញ្ញាគួរឱ្យបារម្ភ។