កម្ពុជា-វៀតណាម ផ្តើមជជែកទ្វេភាគីលើកដំបូងលើរឿងព្រំដែន តែអ្នកវិភាគចង់បានភាគីទី៣
ចុះផ្សាយនៅថ្ងៃ៖
ស្តាប់ - ០៩:៤០
គណៈកម្មាធិការចម្រុះព្រំដែនគោកកម្ពុជា-វៀតណាម បានប្រកាសថា នឹងជួបប្រជុំគ្នាជាពិសេសរយៈពេល៣ថ្ងៃ ចាប់ពីថ្ងៃទី៦ដល់ថ្ងៃទី៩ខែកក្កដាខាងមុខនេះ ដើម្បីស្វែងរកដំណោះស្រាយលើបញ្ហាព្រំដែន និងបាតុភាពទាំងឡាយ ដែលកំពុងកើតមានឡើងថ្មីៗនេះ។ វាជាជំនួបលើកដំបូងហើយ ដែលភាគីទាំងពីរបានសម្រេចជួបប្រជុំជាមួយគ្នា ក្រោយមានបាតុភាពជាច្រើនបានកំពុងកើតឡើងនៅតាមព្រំដែនកម្ពុជា-វៀតណាម និងក្រោយពីកំណត់ទូតជាច្រើនរបស់ក្រសួងការបរទេសកម្ពុជាផ្ញើទៅកាន់ភាគីវៀតណាម។ ការជួបប្រជុំទ្វេភាគីគឺជារឿងល្អហើយ តែអ្នកវិភាគខ្លះសុំឲ្យកម្ពុជានាំករណីនេះ ទៅកាន់ភាគីទី៣ល្អជាង។ ភាគីទី៣ជាតុលាការអន្តរជាតិ ដូចដែលកម្ពុជាធ្លាប់បានធ្វើជាមួយនឹងភាគីថៃអញ្ចឹងដែរ។