ការសាកល្បងចុះឈ្មោះបោះឆ្នោតតាមបែបទំនើបកម្មនឹងធ្វើនៅចុងឆ្នាំ ខណៈអឺរ៉ាបន្តជំរុញកម្មវិធីចុះឈ្មោះMVR
ចុះផ្សាយនៅថ្ងៃ៖
ស្តាប់ - ១១:១៦
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប កាលពីថ្ងៃពុធទី២០ឧសភាម្សិលម៉ិញ បានជួបជាមួយគណៈប្រតិភូសហភាពអឺរ៉ុប និងជប៉ុន ជាបន្តបន្ទាប់ ដើម្បីពិនិត្យទៅលើអ្វីដែលគណៈប្រតិភូនៃភាគីទាំងពីរអាចជួយទៅដល់ការងាររបស់ គ.ជ.ប ។ មានការងារចំបងពីរ ដែល គ.ជ.ប បានស្នើទៅដល់ភាគីទាំងពីរ នោះគឺទី១បញ្ហាបច្ចេកទេសនៃការចុះឈ្មោះបោះឆ្នោត និងទី២គឺបញ្ហាការអប់រំផ្សព្វផ្សាយដល់អ្នកបោះឆ្នោត។ ភាគីសហភាពអឺរ៉ុប នៅមិនទាន់ឆ្លើយតបយ៉ាងណាទេ ក៍ប៉ុន្តែក្រុមអ្នកបច្ចេកទេសជប៉ុនវិញ បានបោះមួយជំហានទៅមុខ ដោយបានចាប់ផ្តើមជួយលើការងារបច្ចេកទេសនៃការចុះឈ្មោះបោះឆ្នោត ខណៈដែលប្រធាន គ.ជ.ប បានប្រកាសថា ការសាកល្បងចុះឈ្មោះបោះឆ្នោតនឹងធ្វើឡើងនៅចុងឆ្នាំនេះ។ ចំណែកឯសម្ព័ន្ធកំណែរទម្រង់សម្រាប់ការបោះឆ្នោត ហៅកាត់ថា អឺរ៉ា បានស្វាគមន៍ តែបានបន្តជំរុញកម្មវិធីចុះឈ្មោះMVR (Modernized Voter Registration) ដែលធានាដល់ប្រសិទ្ធភាពចុះឈ្មោះ៩៨ភាគរយ៕