មូលហេតុដែលប្រមុខការទូតកម្ពុជា រំលឹកភ្នាក់ងារUN និងទូតបរទេសឲ្យដឹងពីតួនាទីរបស់ខ្លួន
ចុះផ្សាយនៅថ្ងៃ៖
ស្តាប់ - ០៩:២៦
បន្ទាប់ពីតំណាងភ្នាក់ងារមួយចំនួនរបស់អង្គការសហប្រជាជាតិ និងស្ថានទូតអាមេរិកប្រចាំនៅកម្ពុជា បានធ្វើការរិះគន់ទៅលើសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាលនាពេលថ្មីៗកន្លងមកនេះ នៅព្រឹកថ្ងៃព្រហស្បតិ៍ម្សិលមិញ លោកហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា បានកោះហៅតំណាងរបស់អង្គការសហប្រជាជាតិ មករំលឹកឡើងវិញនូវតួនាទីរបស់ខ្លួន ដោយគោរពតាមធម្មនុញ្ញរបស់អង្គការសហប្រជាជាតិ។ មុនការកោះហៅមករំលឹក តំណាងទាំងនេះ ក៏សុទ្ធតែទទួលបានកំណត់ទូតរៀងៗខ្លួនពីក្រសួងការបរទេសកម្ពុជាផងដែរ។ ក្នុងនោះ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា ត្រូវបានក្រសួងការបរទេសកម្ពុជា ប្រតិកម្មខ្លាំងជាងគេរហូតដល់ហៅការទិទៀនថា មានលក្ខណៈព្រហើនខ្លាំង។ តើមានមូលហេតុអ្វីខ្លះទៅ បានជាក្រសួងការបរទេសកម្ពុជាប្រតិកម្មខ្លាំងបែបនេះ?