អាមេរិកបដិសេធថា មិនបាននៅពីក្រោយយុទ្ធនាការស្លៀកពាក់ខ្មៅ ឬបដិវត្តន៍ពណ៌នៅកម្ពុជា
ឯកអគ្គរដ្ឋទូតអាមេរិកប្រចាំនៅកម្ពុជា លោក william Heidt បានបដិសេធនៅថ្ងៃនេះថា អាមេរិកមិនបានស្ថិតនៅពីក្រោយនៃយុទ្ធនាការស្លៀកពាក់ខ្មៅរបស់ក្រុមអង្គការសង្គមស៊ីវិល ដែលរដ្ឋាភិបាលបានចាត់ទុកថា ជាសញ្ញានៃបដិវត្តន៍ពណ៌នៅកម្ពុជានោះទេ។ ការបដិសេធនេះ បានធ្វើឡើង នៅក្នុងជំនួបរវាងរដ្ឋមន្រ្តីការបរទេសកម្ពុជា លោក ប្រាក់ សុខុន និងរូបលោក ដែលបានបញ្ចប់ទៅកាលពីវេលាម៉ោង១២ថ្ងៃត្រង់នេះ។ នៅក្នុងជំនួបដែលធ្វើឡើងដើម្បីពង្រឹងទំនាក់ទំនងទ្វេរភាគីរវាងប្រទេសទាំងពីរ លោក Heidt បានបញ្ជាក់ប្រាប់លោក ប្រាក់ សុខុន ថា អាមេរិកគាំទ្រសកម្មភាពរបស់អង្គការសង្គមស៊ីវិលនៅក្នុងប្រទេសកម្ពុជា តែអាមេរិកមិនបានអំពាវនាវឲ្យក្រុមអង្គការសង្គមស៊ីវិលទាំងនោះ ប្រឆាំងនឹងរដ្ឋាភិបាលស្របច្បាប់របស់ប្រទេសកម្ពុជានោះទេ។ នេះបើតាមការបញ្ជាក់របស់លោក ជុំ សុន្ទរី អ្នកនាំពាក្យក្រសួងការបរទេសកម្ពុជា។
ចុះផ្សាយនៅថ្ងៃ៖
ស្តាប់ - ០១:១៣