ស្ត្រីនឹងមានតំណែងធំគ្រប់ផ្នែករួមទាំងយោធា តែសង្គមស៊ីវិលទទូចឲ្យមានតួនាទីក្នុងការធ្វើការសម្រេចចិត្ត
ចុះផ្សាយនៅថ្ងៃ៖
ស្តាប់ - ១១:៥២
តាមរយៈការអះអាងពីការលើកកំពស់ដល់សិទ្ធិស្ត្រី ប្រទេសកម្ពុជាបានបញ្ចូលជាបណ្តើរៗហើយសមាសភាពស្ត្រីទៅក្នុងជួរថ្នាក់ដឹកនាំ ចាប់ពីថ្នាក់ជាតិ រហូតដល់ថ្នាក់ក្រោមជាតិ។ ក៏ប៉ុន្តែចំនួនស្ត្រីជាទូទៅនៅក្នុងវិស័យសាធារណៈ ឬវិស័យឯកជន នៅមិនទាន់មានការឆ្លើយតបទៅនឹងសមភាពយែនឌ័រ និងគោលដៅអភិវឌ្ឍន៍ដោយចីរភាពនៅឡើយ។ ម្យ៉ាងទៀត បើទោះណាជាកន្លងមក បានផ្តល់តំណែងមួយចំនួនដល់ស្ត្រីហើយក៏ដោយ តែតួនាទីក្នុងការសម្រេចចិត្តនៅមិនទាន់មាននៅឡើយ។ នៅក្នុងឱកាសនៃសិទ្ធិនារីអន្តរជាតិ ៨មីនា កាលពីម្សិលមិញនេះ លោកនាយករដ្ឋមន្ត្រី ហ៊ុន សែន បានថ្លែងលើកទឹកចិត្តឲ្យស្ត្រីទទួលបានតួនាទីច្រើនបន្ថែមទៀតទៅលើច្រើនវិស័យ។
