កម្មករអូសរទេះជាអ្នកនៅកណ្តាលបញ្ហារវាងគយនិងម្ចាស់ទំនិញគេចពន្ធតែជាការបង្ខំចិត្ត
ចុះផ្សាយនៅថ្ងៃ៖
ស្តាប់ - ១០:១៣
ជារឿយៗក្រុមកម្មករអូសទេះនៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យតែងធ្វើការតវ៉ា សម្តែងការមិនសប្បាយចិត្តជាមួយសមត្ថកិច្ចច្រកទ្វារជាពិសេសស្ថាប័នគយនិងរដ្ឋករ ដែលកម្មករចោទថាបានជាឧបសគ្គដ៏ធំក្នុងការនាំទំនិញអត់ពន្ធតាមរទេះពីទឹកដីថៃមកក្នុងប្រទេសកម្ពុជា។ រីឯសមត្ថកិច្ចវិញបានហៅការតវ៉ាជាញឹកញយរបស់ក្រុមកម្មករថាព្យាយាមមិនគោរពច្បាប់ និងពិបាកនិយាយនៅពេលដែលមានការជជែក ចរចាគ្នាម្តង។ សមដូចពាក្យមួយឃ្លាដែលគេតែងតែប្រើតៗគ្នាថា «ពិតជាទះដៃម្ខាងមិនដែលឮមែន»។ តែមូលហេតុពិតប្រាកដ ត្រូវបានស្តែងចេញតាមការវិនិច្ឆ័យពីសាធារណៈជន ទាក់ទងទៅនឹងហេតុផលនៃហេតុការណ៍ដែលបានកើតឡើងនេះ។