ចំនួនកម្មករសន្លប់នៅក្នុងវិស័យកាត់ដេរនៅតែកើតឡើងច្រើន
ចុះផ្សាយនៅថ្ងៃ៖
ស្តាប់ - ០៩:៣៣
កម្មករនៅក្នុងវិស័យឧស្សាហកម្មកាត់ដេរនៅតែដួលសន្លប់ជាបន្តបន្ទាប់បន្ថែមទៀតនៅក្នុងឆ្នាំ២០១៥នេះ។ មិនមានហេតុផលណាផ្សេងក្រៅពីបរិយាកាសនៅកន្លែងការងារ របបអាហារ ឬការគេងមិនគ្រប់គ្រាន់។ កាលពីឆ្នាំ២០១២ ការដួលសម្លប់របស់កម្មករក្នុងរូបភាពម្តងៗជាច្រើននាក់បានជម្រុញឲ្យរដ្ឋាភិបាលបង្កើតគណៈកម្មការចម្រុះមួយសម្រាប់ជួយដោះស្រាយករណីកម្មករសន្លប់នេះ។ ក៏ប៉ុន្តែប៉ុន្មានខែដើមឆ្នាំ២០១៥នេះ ចំនួនកម្មករសន្លប់នៅតែកើតមានដដែល ហើយគណៈកម្មការបានត្រឹមជួយមួយដៃមួយជើង បន្ទាប់ពីមានកម្មករដួលសន្លប់រីឯការជម្រុញឲ្យក្រុមហ៊ុនកែសម្រួលបច្ចេកទេស និងបរិស្ថានផ្សេងៗដើម្បីចៀសវាងការដួលសន្លប់របស់កម្មករជាបន្តនៅតែស្ថិតក្រោមការរិះគន់ដដែល។